लोकसभेची उमेदवारी मिळावीताना आमदार Pratibha Dhanorkar यांना मोठा संघर्ष करावा लागला. विरोधकांनी प्रचारात त्यांचा अश्रूचे हसू केले. प्रचारा दरम्यान धानोरकरांचे अनेकदा डोळे ओले झालेत. मतदानाचा दिवशी त्या भावुक झाल्यात. डोळ्यात पाणी आणून त्या म्हणाल्या, आज ‘ ते ‘ असायला हवे होते. राजकीय लढाई त्यांनी ताकदिने लढवीली. राजकारणाचा मैदानात वाघीण ठरलेल्या धानोरकर आज भावुक झाल्यात. Balu Dhanorkar यांच्या आठवणीत त्या रमल्यात. निमित्त होतं लग्नाचा वाढदिवसाचे. यनिमित्याने धानोरकर यांनी फेसबुकवर एक पोस्ट शेअर केली आहे. पोस्टची कॅचलाईन आहे, ‘बॉस मिस यु’ बाळू धानोरकर यांच्यासोबतच्या आठवणींना उजाळा देत त्यांचासोबतचे विविध फोटो असलेला अल्बम फेसबुकवर शेअर केला आहे.
| Whatsapp Channel |
संघर्ष, अनुभवातून व्यक्तिमत्व उजळत असते. चंद्रपूर लोकसभेच्या काँग्रेसच्या उमेदवार प्रतिभा धानोरकर याचे मूर्तिमंत उदाहरण ठरू शकतात. पती बाळू धानोरकर यांच्या अकाली निधनाने आलेली मोठी जवाबदारी धानोरकर यांनी यशस्वीरीत्या पेलली आहे. चंद्रपूर-वणी-आर्णी लोकसभा मतदारसंघाची उमेदवारी मिळवताना प्रतिभा धानोरकर यांना पक्षातील बड्या नेत्यांशी मोठा संघर्ष करावा लागला.
राजकारणातील मोठा अनुभव असलेल्या विरोधी उमेदवारा पुढे त्या उभ्या झाल्यात. केवळ उभ्याच झाल्या नाही तर राजकारणातील अल्पशा अनुभवाने विरोधकांना घाम फोडला होता. सध्याची चर्चा बघता त्यांचा विजय निश्चित समजला जात आहे.
https://www.instagram.com/p/C7BOpp6Ifgf/?igsh=MXd5eGJjc21zbG53ZA==
निवडणुकीच्या प्रचारादरम्यान धानोरकर अनेकदा भावुक झाल्या होत्या. बाळू धानोरकर यांची कमी प्रत्येक क्षणाला जाणवत असल्याचेही त्या म्हणाल्या होत्या. आज पुन्हा प्रतिभा धानोरकर यांनी बाळू धानोरकरांचा आठवणींना उजाळा दिला आहे. त्यांचे अनेक फोटो असलेला अल्बम धानोरकर यांनी फेसबुकवर शेअर केला आहे. या फोटोला धानोरकर यांनी दिलेली कॅचलाईन लक्षवेधी ठरली आहे. ती कॅचलाईन ‘Happy Anniversary Boss Miss You’ मी वाघाची वाघीण आहे, असे अनेकदा आपल्या भाषणात धानोरकर म्हणाल्या होत्या. बाळू धानोरकर यांना वाघाची उपमा स्व. बाळासाहेब ठाकरे यांनी दिली होती. प्रतिभा धानोरकर यांनी लग्न वाढदिवसाच्या दिवशी बाळू धानोरकर यांच्यासाठी ‘ बॉस ‘ हा शब्द प्रयोग केला आहे.
