Exclussive : प्रतिभा धानोरकरांच्या नावापुढे कॅन्सलच्या सिक्का : काँग्रेस कार्यकर्ते भडकले, मतदान केंद्रावर राडा

मतदान केंद्रावर उमेदवारांच्या लावलेल्या यादीवर काँग्रेस उमेदवार प्रतिभा धानोरकर यांच्या नावापुढे कॅन्सल असा शिक्का मारण्यात आल्याने हिंदी सिटी हायस्कूल केंद्रावर काँग्रेस कार्यकर्त्यांनी चांगलाच राडा केला.

मुनगंटीवार यांच्या निषेधाचे नारे लावत पक्षपात केला जात असल्याचा आरोप कार्यकर्त्यांनी केला. नेमका काँग्रेस उमेदवाराच्या नावावरच कॅन्सलचा शिक्का कसा मारला, असा सवाल करीत कार्यकर्त्यांनी निवडणूक अधिकाऱ्याला निलंबित करण्याची मागणी केली.

अचानक झालेल्या या गोंधळाने केंद्रावर काहीकाळ तणाव निर्माण झाला. पोलिसांनी धाव घेत परिस्थिती नियंत्रणात आणली.